Sürixdə piyada marşrutları, əlbəttə, rəngarəngdir. Bunlardan birini təqdim edirik: Mərkəzi vağzaldan təmtəraqlı Banhofştrasse ilə gedirik. Bu küçə çoxsaylı mağazaları ilə məşhurdur. Burada xəzlər, saat, zərgərlik bəzək əşyaları və məşhur dizaynerlərin hər bir zövqə uyğun məmulatları satılır. Pestalossinin heykəlinin önündə dayanır və Parad meydanı ilə addımlayırıq. Burada isə İsveçrənin iki əsas bankı – “UBS” və “Credit Suisse” yerləşir. Bu meydanda həmçinin qədim baqqaliyyə olan Şprünqli və “Arsenal” milli mətbəx restoranı yerləşir.
Parad meydanından Fraumünster kilsəsinə gedirik. Bu kilsə vaxtilə ən məşhur qadın monastırlarından biri olub. Buradakı inanılmaz gözəlliyə malik şəbəkələr 1970-ci ildə Mark Şaqal tərəfindən yaradılmışdır. Daha sonra biz şəhərin əsas kilsəsini — Qrossmünsteri ziyarət edirik. O, XII əsrdə tikilmişdir. Kilsənin qüllələrinin birində yerləşən seyr meydançasına qalxırıq… Buradan möhtəşəm mənzərə açılır…
Daha sonra şəhərin qədim hissəsinə gedirik. Burada izi orta əsrlərə aparan binalar qorunub saxlanır. Bu, Niderdorf məhəlləsidir — piyada keçidi, qotik üslubda ensiz evlərlə tikili mənzərəli döngələri olan tarixi mərkəzdir. Bu dar evlərdə un məmulatları, baqqaliyyə və əntiq əşyalar dükanları yerləşir. Sonra Güzgülü küçə ilə Leninin evinə doğru gedirik – “Rus inqilabı İsveçrədə hazırlanmışdı” ifadəsinin düzgün olduğuna burada əmin olacağıq.
