DİQQƏTƏLAİQ YERLƏR:
Birmingemin diqqətəlayiq obyektlərindən “qırmızıkərpicli” universitet binasını, tikintisi XIII əsrə aid edilən Sent-Martin qotik kilsəni, klassisizm üslubunda inşa olunmuş mərkəzi meydanını, qotikanin parlaq nümunəsi olan Sent-Ced kilsəsini və rəsm və memarlıq əsərlərinin təqdim olunduğu Barberin zərif incəsənət institutunun Qalereyasını qeyd etmək mütləqdir.
Əyləncə:
Birmingendə çoxlu sayda bar, pab və gecə klubları yerləşir. Gecə həyatının mərkəzi, şəhərin əyləncə obyektlerinin çoxunun yerləşdiyi Broad Street rayonu hesab olunur. Şəhərin ən yaxşı rok-klubu “Rockin’”-dir. Müxtəlif istirahət zonalarında gənc rok-qrupların çıxışları təşkil olunur və müxtəlif musiqilər səslənir. “Bakers” klubu da öz məşhurluğu ilə seçilir. Klubda haus üslubunda musiqi ifa edilir, Böyük Britaniyanın ən yaxşı DJ-ləri çıxış edir. Dizayn və musiqisi ilə fərqlənən “Stoodies” klubuna da baş çəkmək məsləhət görülür.
OTELLƏR:
Burada siz müxtəlif kateqoriyalı otellərdə dayana bilərsiniz. Otellərin çoxu şəhərin mərkəzində üçmərtəbəli binalarda yerləşir. Sizə burada bütün lazım olan şəraitləri olan rahat otaqlar təklif olunacaq. Otellərin çoxunda su hovuzu, sauna, fitnes mərkəzi, restoran, bar və digər şəraitlər var.
