Inar Travel

1-ci gün: Səhər 9:55-də Katmandudan Paroya `Druk Eyr` aviaşirkətinin KB203 saylı reysi ilə uçuş. Təyyarə Paroya 11:10-da çatır, hava limanında sizi bələdçi və sürücü qarşılayırlar, `Olathanq` və yaxud digər bu tipli mehmanxanaya çatdırırlar. Yerləşdikdən və qısa istirahətdən sonra gəzinti başlayır. Gəzinti zamanı siz ənənəvi memarlıq abidələri kimi ucalan XVII əsrin Drukqıel dzonq xarabalıqlarının qeyri-adi gözəlliyə malik mənzərəsini, nəhəng Paro dzonqunu, milli muzeyi, ölkənin ən qədim məbədlərindən olan Kıyçu-Lakxanq (VII əsr) məbədini görəcəksiniz. Möcüzəli lama krallığında ilk gecə, demək olar ki, əsl `Şanqri-La`dır.

2-ci gün: Təxminən 2 saatlıq məsafədə yerləşən Tximpxuya keçirik. `Wangchuk`, yaxud da onun kimi başqa bir mehmanxanada yerləşirsiniz. Qısa istirahətdən sonra Butanın paytaxtı ilə tanışlıq başlayır. Burada sizə ölkədə ən iri `Taşi Çoe dzonq`, Butanın III kralı Ciqme Dorji Vanqçukun xatirə çorteni, xalq incəsənəti və əl sənətləri məktəbi, milli xalq təbabəti institutu, mərkəzi bank və poçt nümayiş etdiriləcək.

3-cü gün: 3160 metr yüksəklikdəki Doçu-La aşırım yolu ilə təxminən 3 saatlıq məsafədə yerləşən Punakxuya keçirik. Təpənin yamacında, şəhərdən 8 km cənubda yerləşən `Zangto Pelri` mehmanxanasında yerləşirik. Buradan vadiyə yaxşı mənzərə açılır. Həmin gün siz Punakxa dzonqunu gəzəcəksiniz ki, bu da ölkədə ikinci ən qədim dzonqdur.

4-cü gün: Bütün günümüz `Himalayın ən gözəl ölkəsinin ən gözəl vadisi` adlandırılan qəribə gözəlliyə sahib `Qara dağlar` milli parkında keçəcək. Bir tərəfə yol 2,5 saat çəkir (60 km, yolun bir hissəsi abadlaşdırılmayıb). Park Pxobcexa vadisinin ərazisinin əhatə edir: burada hər il nadir qaraboyun durnalar qışlayırlar. (Zəhmət olmasa, nəzərə alın ki, durnalar fevralın ortalarında Tibetə geri dönürlər və ola bilsin ki, onları görə bilməyəsiniz). Gecəni Qantey qəsəbəsində keçirirsiniz ki, vadinin girişində olan bu qəsəbədə Niqmapa istiqamətinə məxsus məşhur monastır yerləşir.

5-ci gün: Qantey. Təbiətin gözəlliyini seyr etmək üçün sərbəst vaxt. Günün ikinci yarısında Tximpxuya qayıdırıq (təxminən 4 saat). Yolüstü, əgər istəsəniz, Vanqdue Pxodranq qəsəbəsinin dzonqunu ziyarət etmək olar. Seçdiyiniz kateqoriyalı mehmanxanada yerləşirsiniz. Sürücü ilə avtomobil və bələdçi axşama kimi ixtiyarınızdadırlar.

6-cı gün: Səhər Tximpxuda bir qədər sərbəst vaxt var. Bu, yerli suvenirləri almaq üçün gözəl fürsətdir. Paroya keçirsiniz, `Olathanq` və yaxud digər bu tipli mehmanxanaya yerləşirsiniz və istirahət edirsiniz. Arzu etsəniz, Taktşanq monastırına: məşhur `Pələng yuvası`na (4 saatlıq yol) getmək mümkündür. Yaxud da sadəcə dağın ətəyində açılan gözəl mənzərələrə tamaşa etmək olar. Möcüzəli lama krallığında vida gecəsi, demək olar ki, əsl `Şanqri-La`dır.

7-ci gün: Hava limanına çatdırılma və Parodan 7:30-da qalxan KB202 reysi ilə uçuş. Katmanduya təyyarə 08:20-də çatır.

Bir nəfər üçün turun qiyməti: 1100 manatdır.

Butanda yüksək mövsüm (mart-may və sentyabr-noyabr) üçün əlavə ödəniş – adambaşı 300 manat təşkil edir.

Qeyd: Butanda bir gecə qalmanın qiyməti yerli hökümət tərəfindən 220-250 dollar (adambaşı) olaraq müəyyənləşdirilib. Bu qiymətə tam yerüstü xidmət daxildir ki, bu da özündə 2-3 ulduzlu standart mehmanxanalarda ikinəfərlik otaqlarda yerləşməni, tam pansion qidalanmanı, fərdi yüngül avtomobildə bütün transferləri, ingiliscə danışan müşayiətedici bələdçinin xidmətlərini, bütün muzeylərin və abidə komplekslərinin giriş qiymətlərini ehtiva edir.

Yüksək qiymət onunla bağlıdır ki, hökumət ölkəyə turist axınını məhdudlaşdırmaq istəyir. Bunda məqsəd Butanın mədəniyyətini və təbiətini təşkil olunmamış qrupların kütləvi `hücumundan` qorumaqdır.

Göztərilən qiymətlər ən azı 3 nəfərlik səfər üçün etibarlıdır. Əgər səyahətçilərin sayı bundan azdırsa, fərdi xidmət üçün əlavə ödənişlər tələb olunur:

– 2 nəfərlik səyahət üçün — bir gecəyə adambaşı 50 ABŞ dolları,

– 1 nəfərlik səyahət üçün — bir gecəyə adambaşı 60 ABŞ dolları.

Arzu olunarsa, başqa əlavə ödənişlər də mümkündür:

– bir nəfərlik yerləşmə (hər gecəyə 40 dollardan başlayaraq),

– “Suite” kateqoriyalı otaqlarda yerləşmə (iki nəfərlik otaqda hər gecəsi adambaşı 60 dollardan başlayaraq),

– 5 ulduzlu deluxe kateqoriyalı Amankora mehmanxanasında yerləşmə — bir nəfərlik otaq üçün hər gecəsi 1290 dollardan başlayaraq, i ki nəfərlik otaq üçün hər gecəsi 1390 dollardan başlayaraq.

`Amankora` mehmanxanaları Paroda, Tximpxuda, Punakxedə və Qanteydə var. Müştərilərimizin rəylərinə görə, onlar `verilən pula dəyirlər`.

Turun qiymətinə daxildir:

– 2-3 ulduzlu mehmanxanalarda iki nəfərlik otaqda yerləşmə,

– qidalanma — tam pansion,

– ingilis dilində danışan bələdçinin müşayiəti ilə proqrama uyğun bütün ekskursiyalar,

– bütün səyahət boyunca fərdi avtomobildə bütün transferlər,

– muzey və abidə komplekslərinə bütün giriş biletləri.

Turun qiymətinə daxil deyil:

– Katmandu — Paro — Katmandu aviauçuşları (ekonom-klass üçün 295 dollardan başlayaraq x 2).

– tibbi sığorta,

– Butana giriş üçün icazə və Butana girişə turist vizası (cəmi 100 USD).

– bütün şəxsi xərclər, proqrama daxil olmayan digər xərclər.